Aktorët kryesorë në sektorin e ujit nga qeveria, rregullatorët, ndërmarrjet e ujësjellësve dhe organizatat ndërkombëtare u bënë bashkë sot në një tryezë për menaxhimin e sektorit të ujit, ndërtimin e kapaciteteve dhe mundësitë e financimit.

Enti Rregullator i Ujit mori pjesë me një përfaqësi të kryesuar nga Znj. Fatime Imeraj, Sekretar i Përgjithshëm, Z. Sokol Kraja, Drejtor i Drejtorisë Tekniko-Ekonomike, Znj. Fjola Beqiri, Drejtor i Drejtorisë Juridike dhe Konsumatorit, Znj. Nevila Saliu, Përgjegjëse e Sektorit Ekonomik dhe Tarifave dhe Znj. Etleva Demiri, Përgjegjëse e Sektorit Teknik dhe Licencave.

Në sesionin e parë u mbajtën disa prezantime mbi arritjet e sektorit, përparimet rregullatore dhe praktikat më të mira në menaxhimin e sektorit UK, ndërkohë që Z. Kraja mbajti një prezantim mbi kuadrin ligjor dhe përmirësimet në metodologjinë e tarifave. Ndërsa sesioni i dytë ishte i fokusuar më tepër në diskutime mbi iniciativat për ndërtimin e kapaciteteve dhe mekanizmat e financimit.

Synimet e kësaj konference janë:

● Promovimi i nevojës për përmirësim të qeverisjes dhe ngritjes së kapaciteteve në ujërat shqiptare sektori.

● Lidhuni me palët e interesuara lokale dhe identifikoni rrugët për transferimin dhe shkëmbimin e njohurive të praktikave më të mira.

● Fokusimi në sfidat dhe mundësitë specifike në sektorin e ujit në Shqipëri, veçanërisht në lidhje me qëndrueshmërinë dhe transformimin.

Konferenca u organizua nga “Veolia Group”, një kompani franceze e specializuar në shërbimet e sektorit mjedisor dhe Shoqata Ujësjellës Kanalizime e Shqipërisë (SHUKALB).